Merenda terrorífica

O pasado mércores, 28 de outubro, fixemos unha merenda terrorífica nas aulas de segundo. Mirade que pintas, ummmm...!

Festa dos conxuros

Onte, 29 de outubro, o tren de segundo celebrou a festa dos conxuros. Que ben o pasamos!

Conxuro de tumbas horripilantes

Os de segundo facemos este conxuro

para que o curso non sexa moi duro.

Eu boto un morcego

que está moi cego.

Eu boto esta cabazota

que parece unha pelota.

Eu boto un pelo

que encontrei nun banco amarelo.

Eu boto esta serpe 

na auga ben quente.

Traiovos unha araña

que estaba nunha gadaña.

Eu poño un escorpión

que encontrei nun camión.

Eu boto unha cabaza

que enche unha taza.

Eu encontrei un sapo

que estaba escondido nun trapo.

Eu boto unha araña

rica como unha castaña.

Traio esta cabaza

que atopei na miña casa.

Eu poño un ollo de dragón

que encontrei nun caixón.

Con este calcetín

o Samaín non ten fin.

Conxuro dos Zombis Melenudos

Somos bruxas e bruxos 

e zombis melenudos.

Imos facer un conxuro

neste pote tan escuro.

Eu boto este rato

que atopei nun burato.

Eu boto un cempés

que atopei campo a través.

Eu boto unha cabaza

que atopei indo de caza.

Eu boto dous xeados

para que todos estemos calados.

Eu traio un morcego

gordo, negro e chairego.

Eu elexín unha lagartixa

delgada como o papel de lixa.

Eu boto mostaza

que teño na miña cabaza.

Eu traio unha curuxa

tan fea como unha bruxa.

Eu boto un ollo de sapo

que encontrei nun zapato.

Eu boto un morcego

que encontrei voando no ceo.

Eu poño un cacho de pan duro

que fará mellor este conxuro.

Conxuro das arañas velenosas

O noso conxuro ten estes ingredientes

que botamos neste pote relucente.

Eu boto zume de araña

para quitar a migraña.

Eu traio unha formiga, 

a ti picarache a barriga.

Eu boto esta cabaza

que atopei na terraza.

Eu boto unha araña

que pesquei cunha caña.

Eu traio unha serpe

que ten un so dente.

Eu boto zombis

para convidar aos compis.

Pois eu ollos de dragón

que me quere comer o tragón.

Eu teño unha araña

tan fea como unha castaña.

Coa cola do caimán

caerás, pataclán!

Eu boto baba de caracol

que atopei nunha col.

Con todos estes ingredientes

mañá caeranche os dentes.

Conxuro dos Monstruos Terroríficos

Somos os Monstruos Terroríficos

que non damos nin apertas nin bicos.

Imos comezar este conxuro

dando saltos de canguro.

Eu boto unha cabaciña

que atopei na miña hortiña.

Pois eu boto esta araña

que atopei no medio da lasaña.

Eu teño esta cucaracha

que encontrei nunha remolacha.

Eu traio este rato

que estaba metido no meu zapato.

Eu engado esta cobra

que na miña casa sobra.

Pois eu esta araña

que estaba non cabaña.

Mirade que lingua de león

atopei debaixo dun camión.

Falta o ingrediente máis importante

caca de elefante!

Agora eu remexo e remexo

como se fixera un queixo.

Podedes beber todos deste conxuro

e logo fumar un puro.

As mestras de segundo tamén remexen e remexen

e desexan que este Samaín moi ben festexen.

Aulas terroríficas

Esta semana nos pasillos e nas aulas de segundo tamén se notaba que era Samaín. Tiñamos desde arañas xigantes, bruxas, pantasmas, morcegos e ata corvos vixiándonos. Que medo!

Cabazas decoradas

Mirade que cabazas tan chulas, tan terroríficas, tan ben feitas...trouxeron os nenos e nenas do tren de segundo. 

PARABÉNS A TOD@S POLO VOSO TRABALLO!

Taller de la

Hoxe, o tren de segundo disfrutou dun taller de la no que aprenderon a cardala, fiala con fuso e roca, facer un tapiz no tear...

Máis información na páxina web: http://sramaria.com

                                   

      

O fonendoscopio

A semana pasada, aproveitando que estudaron o aparato circulatorio, os nenos e nenas de segundo convertíronse en médicos e médicas. Aprenderon o que era un fonendoscopio e estiveron escoitando con el os sons cardíacos e respiratorios dos seus compañeiros e compañeiras. Como lles gustou!

Médicos e médicas de 2ºA

Médicos e médicas de 2ºB

Médicos e médicas de 2ºB

Os castrexos de segundo

Así como no curso pasado se levou a cabo un proxecto sobre o camiño de Santiago, neste tratará sobre a cultura castrexa. Os nenos e nenas de segundo xa comezaron a traballar en dito proxecto participando na elaboración deste mural... Cantas cousas estamos aprendendo sobre os castros!

O outono

Chegou o outono e os pasaxeiros e pasaxeiras do tren de segundo recolleron follas para facer estes erizos tan alegres :)

Erizos feitos polos nenos e nenas de 2ºB

Erizos feitos polos nenos e nenas de 2ºA

A pirámide de alimentos

Xa que estivemos aprendendo en ciencias como comer de forma sa e equilibrada, tamén fixemos unha pirámide xigante na que pegamos alimentos que debemos comer todos os días, varias veces á semana e só ás veces. 

Nenos e nenas de 2ºA

Nenos e nenas de 2ºA

Nenos e nenas de 2ºB

Nenos e nenas de 2ºA

Nenos e nenas de 2ºB

Benvido Iván!

Esta semana subiuse ó tren de 2ºB un novo pasaxeiro, que se chama Iván. Benvido e boa viaxe ;)