Día en contra da violencia de xénero

Todos os días deberíamos acordarnos desas mulleres que sufren violencia de xénero, pero xa que o 25 de novembro foi declarado "Día Internacional en contra da violencia de xénero", dende o colexio quixemos facer fincapé no tema da igualdade. Para iso utilizamos o lema "Todos somos capitáns - Todas somos capitanas" e fixemos uns barcos. No caso de segundo fixeron barcos con papel de xornal e tamén outros con arcilla, palillos e cartulina decorada por eles. Tamén vimos un conto titulado "Un día de treboada", que serviu para manter un coloquio sobre as profesións, o reparto de tarefas na casa, etc. E, por último, fixemos unhas pulseiras nas que escribimos as nosas mensaxes en contra da violencia.

Todos somos capitáns! (Pinchade para escoitar a canción)

Día Universal do Neno (20 de novembro)

Co motivo da celebración do Día dos Dereitos do Neno, todo o alumnado do colexio participou na elaboración deste mural, aprendendo deste xeito que todos os nenos e nenas son iguais, sen importar a raza, o sexo, a relixión ou a cultura. Ademais o tren de segundo aprendeu cales son moitos dos dereitos que teñen os nenos e nenas a través dun vídeo e fixeron uns debuxos sobre o mesmo.

"A nena que quería ser pirata"

Onte, 20 de novembro, visitounos na biblioteca o contacontos Doutor Tilla De Patacas. Contoulles ós nenos e nenas de educación infantil, primeiro, segundo e terceiro, un conto sobre unha nena que quería ser pirata. Entre todos seguiron unhas pistas ata chegar ó tesouro. Que ben o pasaron! Ademais aprenderon que non hai profesións de chico nin de chica e que todos podemos ser o queiramos. 

Mercando e vendendo

Esta semana a aula de segundo parecía, por momentos, un mercadillo. Os nenos e nenas convertíanse en venderores e clientes que vendían e mercaban alimentos para traballar así cos euros. 

Aniversario Nadir

Hoxe, 12 de novembro, festexamos o sétimo aniversario de Nadir.
PARABÉNS!!!

Visita de Sabela Núñez Singala

Sabela Núñez Singala, escritora de "O agasallo de Anya", visitou esta mañá o noso colexio. Todos os nenos e nenas disfrutaron da súa compañía, desde Infantil ata 6º de primaria. A continuación podedes ver unha foto con cada grupo...

Sabela contoulles un conto titulado "O soño de Xiana" ó grupo de Infantil e os nenos e nenas fixeron uns debuxos relacionados co mesmo. Mentres Xiana saboreaba "O agasallo de Anya"...

Despois tocoulle o turno a 1º, 2º e 3º, que tamén escoitaron o conto, axudáronlle a Sabela a traducilo ó galego (pois o texto estaba en ucraín), comentaron e fixeron preguntas sobre o mesmo e, para rematar, viron algunhas cousas que Sabela trouxo nun maletín (libros en ucraín, o diario de Anya,....).

E, por último, o turno foi para 4º, 5º e 6º. Os nenos e nenas leron un resumo do libro "O agasallo de Anya" e foron comentando sobre o mesmo. Logo Sabela contoulles de onde viñera a idea de escribir este libro, faloulles do proxecto Mochilinhas de cores e Cestiña de cores. Puideron ver fotos destes proxectos, facer preguntas sobre eles e ver tamén algunhas cousiñas de Ucrania. 

Sabela rematou a mañá asinando libros, mans, dedos... pero, o máis importante, deixando moitos sorrisos entre os nenos e nenas.

O tren de segundo tivo o previlexio de recibir a Sabela na súa clase. Os nenos e nenas poideron lerlle unhas preguntas que contestaron sobre o conto e mostrarlle uns debuxos sobre o mesmo. Tamén nos asinou unha portada para ter de recordo da súa visita e nós démoslle uns agasallos feitos por nós. Que sorte tivemos ;)

En definitiva, foi unha mañá moi completa, chea de cousas interesantes, na que aprendemos moito na compañía de Sabela. Por iso só nos queda darlle as grazas pola visita e os parabéns polo seu libro "O agasallo de Anya". Ata cando queiras!

O magosto

Hoxe, 7 de novembro, festexamos o magosto no colexio. Fixemos uns cestos terroríficos para encher de castañas e logo comelas, por suposto!

E despois de zampar fixemos uns xogos: "pelacastañas", "a castaña equilibrista", "encesta a castaña" e "a castañola". Podedes ver a continuación fotos dos catro grupos xogando: vermello, azul, verde e amarelo.